Në Sarandë janë sekuestruar disa pasuri me dyshimin se janë përfituar nga veprimtari të paligjshme. Nën hetim janë dy shtetasit Kristi Qirici (i njohur edhe si Jetmir Hoxha) dhe Adriatik Kalemi, ndaj të cilëve është regjistruar procedim penal për “Pastrimin e produkteve të veprës penale”.
Gjykata e Sarandës (7 shtator 2025) dhe më pas Gjykata e Apelit (24 tetor 2025) kanë vendosur sekuestron preventive për pasuritë e Qiricit, përfshirë:
• Një hotel 6-katësh me 37 dhoma dhe garazh 440 m² në Sarandë
• Një hotel 4-katësh me 15 dhoma dhe lokal shërbimi, po në Sarandë
Për Adriatik Kalemin, i njohur me precedent penal në fushën e krimeve ndaj personit, trafiqeve dhe narkotikëve, Gjykata e Sarandës (31 korrik 2025) ka sekuestruar disa pasuri në disa qytete:
Në Sarandë:
• Lokal shërbimi 103 m²
• Pasuri 123 m²
Në Tiranë:
• Apartament 78 m²
• Parcelë ndërtimi 60 m²
• Dyqan 103 m²
• Arë 800 m²
Në Rradhimë (Vlorë):
• Pasuri me sipërfaqe 36, 485 dhe 619 m²
Në Memaliaj (Tepelenë):
• Pasuri 386 m²
• Truall 650 m²
• Një pasuri tjetër shtesë
Gjithashtu janë sekuestruar:
• 1 mjet lundrues
• 4 automjete
• 12 llogari bankare
Hetimet vazhdojnë për identifikimin e pasurive të tjera që mund të jenë regjistruar në emër të familjarëve apo personave të tretë.
