Aktorja e njohur shqiptare, Zamira Kita e ftuar në emisionin ‘Ftesë pa pesë’ është shprehur se është më e lehtë të punosh me femra se sa me meshkujt, pasi këta të fundit pretendojnë se janë shumë më të aftë dhe dinë t’i bëjnë gjërat më mirë.
Për pasojë, ajo tregon se ka pasur shume raste që ka shkuar në shtëpi duke qarë.
“Ndërkohë, ne na ka qëlluar të punojmë me meshkuj dhe kam shkuar në shtëpi duke qarë. Se ka pasur raste të tilla, epo mërzitesh…”, tha Kita.
Aktorja ishte e ftuar pasditen e djeshme bashkë me regjisoren Driada Dervishi, për të folur rreth projektit të tyre “8 femrat”.
Komedia me nota muzikali, “8 femrat” ka nisur shfaqjet edhe në Tiranë, sipas Zamirës, arma e fortë e kësaj komedie qëndron te kasti që përfshin emrat e aktoreve më të mira të skenës shqiptare.
