Anëtarja e Këshillit Bashkiak Tiranë Mirela Bogdani e ftuar në studion e ‘Provokacijas’ ka komentuar vendimin e Rudina Hajdarit për të mos lënë mandatin e deputetit.
Ajo ka kritikuar deputeten duke u shprehur për te se është e papranueshme që të marrin poste apo mandat deputeti në parti njerëz pa përvojë dhe pa kredencialet e duhura dhe rasti i Rudina Hajdarit për të është një fenomen i njerëzve të shpërblyer nga partia.
“Ky fenomen që ajo përfaqëson më ka degustuar në kulm, si ata fëmijët e përkëdhelur që i bien dhurata dhe gëzon dhe ajo ka extra, se nëse të tjerët kishin eksperiencë, kjo s’kishte as dyvjeçare po kishte një legasi të babait të vet.
Sipas saj, njerëzit që i marrin lehtësisht pozicionet e larta në politikë dhe nuk kanë punuar fort për t’i arritur, “hedhin vickla”, duke shtuar se posti “iu dha si shpërblim i një legasie që kishte lënë babai i vet”.
Gjithashtu,referuar deklaratës së Rudina Hajdarit se djegia e mandateve i bën dëm vendit, Bogdani ngre pyetjen se përse Hajdari nuk ngriti asnjëherë në strukturat e PD-së, shqetësimet.
“Rudina ka një problem, mezi artikulon dhe ky është një handikap i madh. Tha djegia e mandateve i bën dëm vendit. Po jo me shoqe se n’daç ti dhe n’daç ata të tjerët, pyetja shtrohet ju që vini na kërkoni dhe jepni llogari, nuk bëni pyetje që ky grup politik që erdhi te ky akt ekstrem pse i dogjët dhe e dyta ky pushtet është i dështuar i korruptuar dhe i kriminalizuar dhe këtë tipen kjo e shprehu ndonjëherë këtë problem brenda strukturave të PD?”.
