Kryetari i Bashkisë së Tiranës, Erion Veliaj, ka njoftuar me anë të një postimi në Twitter se ka filluar dezinfektimi edhe nga ajri perveç solucionit të lëngshëm në rrugë. Ky proces që me gjasë do zgjasë në kohë, ka startuar nga qëndra e kryeqytetit. Veliaj sqaron më tej të gjithë qytetarët se gjatë ditës këto mjete do të jenë në të gjitha akset e Tiranës.
“Filloi nga qendra e Tiranës dezinfektimi edhe nga ajri përveç solucionit të lëngshëm në rrugë! Pergjate dites do jemi ne te gjitha akset e kryeqytetit!
Me pak durim e bashkëpunim do e mundim këtë flamë e #DoJaDalim “, shkruan ai.
Filloi nga qendra e Tiranes dezinfektimi edhe nga ajri pervec solucionit te lengshem ne rruge! Pergjate dites do jemi ne te gjitha akset e kryeqytetit! ???
Me pak durim e bashkepunim do e mundim kete flame e #DoJaDalim ❤️?? pic.twitter.com/oN0N4wQprI
— Erion Veliaj ?♂️?⚽️?? (@erionveliaj) March 17, 2020
Një ditë më parë, edhe kryeministri Edi Rama u kërkoi qytetarëve që të zbatojnë ligjin special, aktin normativ për masat kundër përhapjes së koronavirusit.
Po ashtu Rama theksoi se këto ditë që jemi në vetë-izolim, nuk mund të rrimë si me pushime, por të rimodelojmë ekonominë familjare, pasi në këtë mënyrë mendojmë për ata që nuk kanë mundësi të ushqehen.
Në vendin tonë ka shkuar në 51 numri i të prekurve nga koronavirusi, mes tyre edhe 8 mjekë të cilët kanë pasur kontakte me pacientët e infektuar.
Në Shqipëri është shënuar vdekja e parë në Durrës, ndërsa qeveria ka marrë masat e nevojshme, dhe ka vendosur gjoba ndaj atyre që shkelin rregullat.
