Biznesmeni i njohur Samir Mane ka zhvilluar ditën e sotme një leksion me disa studentë, teksa i ka treguar atyre hapat e tij të parë në biznes.
Ai tha para studentëve se kanë qenë risqet që ai ka ndërmarrë, ajo që e ka ngritur biznesmenin deri në stadin ku ndodhet tani. Më tej ai jep 3 këshilla për studentët që dëshirojnë të bëhen sipërmarrës.
Samir Mane negocion të ulë Bashën dhe Ramën? Përgjigjet lideri i opozitës
“E rëndësishme është puna ditore, edhe pak fat, natyrisht vizion dhe risk. Risku është ai që na ka bërë të kemi sukses. Natyrisht një njeri që ka 100 mijë $ thotë a duhet t’i humb ato të gjitha apo t’i mbaj për familjen, unë dhe Irfani e kemi bërë vazhdimisht, jam i sigurtë që edhe të tjerë e kanë bërë. Risku është një fakt i rëndësishëm që biznesmenët e kanë.” tha Mane ndërsa rezervoi edhe një këshillë për studentët.
Turizmi është një nga industritë që mund të lulëzojë e mund të ecë, është e vetmja industri që çon Shqipërinë përpara. Në raport me studentët kam qenë dikur si ata. Kurrë s’e kam ëndërruar të jem këtu, jam edhe vetë i çuditur me faktin ku kam arritur, po biznesi kështu është. Shpesh puna nuk është te paraja, nuk çohem në mëngjes të them sa lekë do fitoj sot. Natyrisht që kemi emocion sa shumë do bëjë sot, sa po rritem në Shqipëri e rajon, ka të bëjë me shifra po jo sa do fitoj sot. Këshilla ime për studentët është: kam tre këshilla : e para të provojnë të bëhen sipërmarrës, e dyta të provojnë të bëhen sipërmarrës dhe e treta të provojnë të bëhen sipërmarrës”, tha ai.
Denonco ne TT