Sot përkujtohet 21 vjetori i vrasjes së Heroit të Demokracisë, Azem Hajdari.
Pranë memorialit u mblodhën dhjetëra familjarë, politikanë, deputetë e njerëz të afërm të Hajdarit. Gjithashtu, në homazhe, ishte edhe kreu i PD-së, Lulzim Basha, ish-lideri demokrat, Sali Berisha, bashkë me familjen Hajdari.
Krydemokrati Basha është fokusuar nga kamerat teksa i jep dorën vajzës së Azem Hajdarit, Rudinës. Kjo e fundit e ka kritikuar hapur Bashën lidhur me vendimin për djegien e mandateve dhe për marrëveshje me kryeministrin Rama.
Ndërkohë, i pranishëm në ceremoninë përkujtimore ishte edhe ish-kryeministri Berisha. Ndërsa, shfaqet i prekur gjatë momentit kur vendos kurorën me lule tek memoriali ku u vra themeluesi i PD-së. Ai është kapur nga kamerat teksa sytë i kishte të përlotur.
