Marrë shkas nga fjala e Ramës për përmbytjet, kryedemokrati Basha i ka kthyer menjëherë përgjigje, duke thënë se kryeminsitri bën propagandë me fatkeqësinë. Për të, zgjidhja e vetme është largimi i Ramës.
“Mijëra familje janë nën ujë, pa furnizime ushqimore e medikamente. Zona nga Shkodra, Durrësi, Lezha dhe gjithë ultësira perëndimore nën ujë. Përmbytjet kanë ardhur nga kaskadat, jo nga reshjet. Ai del aty dy orë dhe bën propagandë me fatkeqësinë, edhe fatkeqësinë më të madhe e cilëson propagandë. Boll më. Ky njeri është problemi i vendit, ky dështak ka vetëm një zgjidhje, largimin. Edhe përmbytjen, si çdo gjë tjetër, po mundohet ta kthejë në propagandë. Njerëzit janë deri në brez me ujë në mes të pandemisë, ata të tjerët kanë mbetur në çadra, i zuri viti i dytë, ka ardhur koha ta largojmë. Na duhet një kryeministër serioz. Problemet kanë ndodhur dhe do të ndodhin, por Shqipërisë i duhet një kryeministër serioz, të ndihmojë shqiptarët. Me të gjitha pushtetet në dorë, Rama ka dështuar”.
Siç duket, kryeministrit Rama nuk i ka dalë inati, duke iu kthyer me të njëjtën monedhë Bashës. Reagimi vjen me anë të një postimi në Twitter, duke iu referuar fjalës së kreut të opozitës, se qindra mijëra njerëz janë nën ujë edhe sot.
“Qindramijëra njerëz nën ujë edhe sot” sipas LB! Në fakt nën ujë janë Saliu, Iliiri, Luli dhe Mona që duan ta bëjnë komerdare edhe tërmetin, edhe virusin, edhe shiun, edhe borën, madje edhe Nusretin bashkë me Tiren, i duan për komerdare! Po halli është që s’i pret kush matanë”, përfundon Rama.
“Qindramijëra njerëz nën ujë edhe sot” sipas LB! Në fakt nën ujë janë Saliu, Iliiri, Luli dhe Mona që duan ta bëjnë komerdare edhe tërmetin, edhe virusin, edhe shiun, edhe borën, madje edhe Nusretin bashkë me Tiren, i duan për komerdare! Po halli është që s’i pret kush matanë?
— Edi Rama (@ediramaal) January 15, 2021
