Në një takim me mjekët dhe infermierët e Spitalit Infektiv, pak para Vitit të Ri, kryeministri Edi Rama tha se ambientet e stadiumit të Air Albania do jenë qendrat e vaksinimit kundër Covid-19.
Ditën e sotme, në faqen e tij në rrjetin social Facebook, kreu i qeverisë ka shpërndarë një video ku shfaqen pamjet e vendit të quajtur “salla e buzëqeshjes”, ku do të kryhet vaksinimi i cili do të nisë fillimisht me personelin mjekësor.
Statusi
“MIRËMËNGJES
nga qendra e parë e fushatës #shqipëriabuzëqesh, aty ku nis së shpejti vaksinimi anti-Covid19 dhe rinis një Shqipëri me më shumë besim tek e ardhmja e tek fuqia e saj për t’u përballur e për të fituar çdo sfidë”, shkruan kreu i qeverisë.
