Kryeministri Rama ka publikuar në Facebook një video, ku shihet teksa hapen varret e nëntë personave që humbën jetën në tragjedinë e 26 nëntorit.
“Një grusht dhimbjeje prej mijëra njerëzish, për të përcjellë plot 9 jetë të humbura në Natën e Tmerrit”, shkruan Rama, ndërsa pamjet janë të rënda.
Bilanci nga tërmeti është tragjik. Kërkimet në Thumanë u mbyllën paraditen e djeshme, ndërsa në zonat e tjera u mbyllën pasdite.
Toka vijon të dridhet, ndërsa viktimat po përcillen një e nga një për në banesën e fundit.
