Teksa kreu i Shtetit, Ilir Meta, e akuzon Ramën për grusht shteti, ky i fundit nuk ndalet. Kryeministri pritet të mbajë një takim me zyrtaren e PE. Kreu i qeverisë, Edi Rama do takohet sot me raporteren e Parlamentit Europian Isabelle Santos.
Në orën 11:30, ata do të mbajnë edhe një konferencë për shtyp në ambientet e Kryeministrisë.
Në fokus të diskutimeve mes tyre pritet të jetë Konferenca e Donatorëve, si dhe procesi i integrimit europian.
Referuar akuzave të parashtruara nga ana e presidentit Meta, po sot ish ministri i Drejtësisë, Ylli Manjani, ka sqaruar arsyet dhe rrethanat e vetme në të cilat mund të shpërndahet Kuvendi.
Një tezë që është artikuluar së tepërmi ditët e fundit, për shkak të deklaratave të presidentit Ilir Meta, i cili ka paralajmëruar dekrete që sipas tij do “shpartallojnë grushtin e shtetit”.
