Kryeministri Edi Rama do të vizitojë ditën e nesërme Italinë, ku do të zhvillojë një takim me homologun e tij Giuseppe Conte .
Bëhet me dije se kreu i qeverisë do të qëndrojë në Romë, ndërsa takimi do të zhvillohet në orën 10:30.
Tashmë si kryesues i presidencës së OSBE, turi i vizitave të Ramës duket se do të jetë goxha i ngjeshur përgjatë 2020. Shefi i qeverisë shqiptare sapo u kthye nga një vizitë dy ditore në Ukrainë.
Deri më tani nuk janë parashikuar as deklarata për median e as konferencë e përbashkët shtypi mes dy liderëve.
Por nga burimet konfidenciale bëhet me dije se Rama ndodhet në Rome për të lobuar dhe për t’u siguruar se Conte, Macron e Merkel do të jenë të pranishëm në Konferencën e Donatorëve për tërmetin e organizuar nga BE në Bruksel.
