E hënë, 6 Dhjetor, 2021
11.5 C
Tirana

Rama: Nga janari kufijtë relaksohen, miqtë nga SHBA erdhën për “Open Balkan”

Në konferencën e përbashkët në Beograd, në kuadër të samitit “Ballkani i Hapur”, kryeministri Edi Rama tha se thelbi i kësaj nisme është zgjerimi i ekonomisë. Rama u shpreh se pritet që nga janari, në kufijtë e vendeve të fillojë një relaksim i ndjeshëm për kompanitë, distributorët dhe fermerët.

Kreu i qeverisë shqiptare deklaroi se nëse duam që të përfitojmë investime të huaja që sjellin vende të reja pune, duhet të ofrojmë një hapësirë më të gjerë. Duke qëndruar në të njëjtën linjë, ai shtoi se janë fermerët dhe kompanitë që merren me eksport, ata që e mbështesin më shumë nismën për një “Ballkan të Hapur”, pasi sipas tij, është e nevojshme tashmë që të hiqen burokracirat në kufij. Në mënyrë figurative ai citoi se duke pritur për disa orë në kufij, qumështi rrezikon të kthehet në kos.

“…Dhe, më vjen shumë mirë që jemi fokusuar aty ku është edhe thelbi i kësaj nisme. Si të zgjerojmë ekonomitë tona, tregjet tona që mbeten të vogla. Nëse integrohen me njëri-tjetrin, kthehen në një treg të rëndësishëm jo vetëm për aktorët tanë të tregut, por edhe investimet e huaja direkte në këtë zonë.

Kjo shihet në Serbi edhe në vende të tjera. Që të përfitojmë investime të huaja direkte që sjellin punësim cilësor, duhet të ofrojmë një hapësirë më të gjerë. Më vjen shumë mirë që na u dha mundësia të ballafaqohemi direkt me sipërmarrës nga Shqipëria, Serbia, RMV dhe me problemet e tyre reale.

Ata kërkuan që ato që ne nënshkruajmë, të kthehet në realitet të prekshëm për ta në kufi, aty ku fillojnë problemet. Duke ndenjur me ditë në kufi shtohen kostot, por në mënyrë marramendëse edhe kostot negative mbi vetë produktet.

I bie që qumështi të bëhet kos, nga e premtja deri të hënë. Nga Konispoli deri në Serbi, nga ara në treg duke i kaluar nëpër dogana apo tre javë për të pritur konfirmimin nga agjencia e vendit tjetër për produkte që t’i sjell nga një vend tjetër.

Takuam Këshillin e Atlantikut, ka ardhur nga SHBA në mbështetje të kësaj përpjekjeje duke pritur që të njihemi me rezultatet e një studimi që do të ekspozohet në Tiranë, për përfitimet nga “Ballkani i Hapur” i të gjashtë vendeve.

Kemi rënë dakord për një qëndrim të përbashkët adresuar BE, duke kuptuar situatën me bllokimin absurd që i është bërë procesit të RMV dhe Shqipërinë, por duke nënvizuar se nuk kemi asnjë lëkundje për të ndërtuar në vendet tona standartet e BE. Jemi të bindur se ndërsa ata janë të zhytur në problemet e tyre, mund të konsiderojë disa hapa të rëndësishëm për të ardhur më pranë rajonit, mbështetje për fermerët tanë, universitetet, në segmente të caktuara…Duke e konsideruar Ballkanin Perëndimor si pjesë të vetën kur vjen puna tek energjia. Kemi vënë re se gjatë 8 muajve të fundit, fluksi i turistëve nga Serbia është rritur me 63 për qind, nga RMV, 22 për qind, shifra që ndihen në ekonomi”.

- Reklama -

Më shumë nga kategoria




Të fundit

“Jam në Dubai, s’jam arratisur”/ Nipi i deputetit të PS-së: Ngjarje e stisur

Ramazan Rraja, nipi i deputetit socialist, Rrahman Rraja konfirmon se nuk është arratisur, pasi akuzohet se së bashku me dy persona të tjerë, kanë...

E shkarkuat Bashën, e pastaj …?

Nga: Artur Ajazi Foltoristët dhe kryetari i tyre Sali Berisha, po numurojnë me padurim të madh, sa ditë dhe sa orë, kanë mbetur deri ditën...

Dy raste me Omicron në Greqi

Me variantin Omicron u diagnostikuan dy rastet e dyshimta që ishin futur në mikroskopin e studiuesve të Greqisë. Bëhet fjalë për dy shtetas që kishin...

Ne përmbytemi rregullisht, e nuk vëmë mend nga asnjë fatkeqësi

Nga: Mentor Kikia Ka ndryshuar klima o budallenj! Duhet të ndryshojmë dhe ne, ndryshe do të ngordhim. Vetëm pas një jave me reshje, vjen paralajmërimi i...

Jean Todt mbështet ndërtimin e automotoparkut në Elbasan

Më herët, kreu i DPSHTRR Blendi Gonxhe njoftoi se në Elbasan do të ndërtohet automotoparku i parë në Shqipëri, për të mundësuar edhe zhvillimin...