E diel, 28 Nëntor, 2021
13.5 C
Tirana

‘Open Balkan’/Vuçiç: Samiti i Tiranës në dhjetor, do hiqen pengesat kufitare

Presidenti i Serbisë, Aleksandar Vuçiç, zbuloi se Samiti i radhës i “Open Balkan” do të zhvillohet në fund të dhjetorit në Tiranë. Sipas tij, gjatë këtij samiti do të nënshkruhet një memorandum për lejet e punës.

Vuçiç, në konferencën e përbashkët me kryeministrin Edi Rama dhe me zëvendëskryeministrin e Maqedonisë së Veriut, Nikola Dimitrov, është shprehur nga Beogradi se në muajin dhjetor në Tiranë, do të shpalosen fitoret e deritanishme të nismës.

“Do të flas me terma konkrete të cilat i biseduam me bashkëbiseduesit e mi. Do të them diçka në lidhje me takimet që kemi zhvilluar, dhe me çfarë do të arrijmë në periudhën që vjen.

Patëm takim me biznesin dhe pamë që të gjithë përfaqësuesit e biznesit janë pro kësaj nisme, dhe shikojnë benefite. Ne besojmë fort që “Ballkani i Hapur” do të bëjë ndryshime të mëdha.

Kjo nismë u hap për njerëzit që jetojnë në çdo qytet dhe fshat tonin. Ne vendosëm sot për krijimin e Këshillit të Zbatimit të Marrëveshjeve. Ne jemi mirënjohës edhe aleatëve tanë për mbështetjen. Puna jonë për periudhën që pason, është të shohim se ku kemi pasur gjëra që nuk kanë ndodhur në terren. Njerëzit tanë për një vit, një vit e gjysmë të mos kenë asnjë pengesë kufitare. Askush të mos ndalojë askënd në kufi. Kjo do të forcojë ekonomitë tona. Askush nuk po ndërhyn në çështje politike, por thjesht që njerëzit tanë të jetojnë. Takimi ynë i radhës do të jetë pas Krishtlindjeve katolike në Shqipëri. Data do të përcaktojë. Do ta nënshkruajmë atje edhe memorandumin e lejeve të punës, njerëzit tanë do të punojnë lirisht”, tha Vuçiç.

Çfarë është “Ballkani i Hapur”?

Nisma për bashkëpunim rajonal “Ballkani i Hapur”, që përfshin Serbinë, Maqedoninë e Veriut dhe Shqipërinë, është nisur nga presidenti i Serbisë Aleksandar Vuçiç, kryeministri i Maqedonisë së Veriut Zoran Zaev dhe kryeministri i Shqipërisë Edi Rama në tetor 2019. Nisma parashikon lëvizjen e lirë të kapitalit, mallrave, shërbimeve dhe njerëzve midis tre vendeve. Në korrik të këtij viti, në Forumin për Bashkëpunim Ekonomik Rajonal në Shkup, Maqedonia e Veriut, nisma mori emrin “Ballkani i Hapur”.

- Reklama -

Më shumë nga kategoria




Të fundit

Masakrimi i masakrës

Nga: Luçiano Boçi  Kur ndodh një krim, gjëja kryesore që bëjnë autorët është djegia e mjeteve me të cilat kryhet krimi. Pra asgjësohet vetë krimi....

I ndaloi keçapin lojtarëve, kompania nuk ia përton Antonio Kontes

Emërimi i Antonio Kontes në krye të Totenhemit, solli ndryshime në klub. Tekniku i dha një vemendje të veçantë ushqimeve që konsumonin lojtarët, të...

FORMULA 1/ Presidenti ‘tradhton’ Shumakerin: S’është më i miri i historisë

Presidenti i FIA-s i ka befasuar të gjithë, duke mos e kurorëzuar si më të mirin ish-pilotin e tij në kohën e Ferrarit. Zhan...

Skandali me pagesat e UEFA-s, FSHF publikon “provat” e gabuara

Federata Shqiptare e Futbollit ka dalë sot me një tjetër qëndrim zyrtar rreth çështjes së skandalit të shpërndarjes së fondeve të UEFA-s, në mënyrë...

Kreu zbulime që e revolucionarizuan shkencën: Kush ishte Galileo Galilei

Në cilësinë e ”babait” themelues në fushën e fizikës dhe astronomisë, Galileo Galilei është i njohur për kontribute të panumërta në shkencë. Mendimtari italian,...