Kryeministri Rama po mban një tryezë të përbashkët me Federatën Shqiptare të Futbollit lidhur me sigurinë në stadiume.
Gjatë fjalës së tij, Rama ka thënë se FSHF dhe policia s’mund t’ia lënë topin njëra-tjetrës, duke iu referuar replikave mes tyre lidhur me dhunën në futbollin shqiptar.
Po ashtu, kryeministri bëri me dije se do të ndërhyhet në kodin penal dhe çdokush që futet në tapetin e gjelbër, do të kryejë dënimin me 3 vjet burg.
“Klubet të pajisin impiantin me kamera për identifikimin e keqbërësve në stadiume. Do të ngremë një grup të përbashkët punë për reformën në futboll. Dhuna në stadiume, do ndërhyjmë në Kodin penal. Kush kalon vijën e bardhe dhe futet në tapetin e gjelbër, do bëjë 3 vjet burg. FSHF dhe policia të mos ia lënë topin njëra-tjetrës. Klubet duhet të deklarojnë të ardhurat e futbollistëve. Klubet i deklarojnë rrogat sikur të ishin fasone. Lehtësira doganore për mallrat sportive”, tha ndër të tjera Rama.
