Kryesore

Rama e thotë troç: Dako ka qenë e do jetë miku im! Ja pse e përjashtova Tahirin


               Publikuar në : 22:55 - 13/02/20 M S

Kryeministri Rama iu përgjigj interesit të panelit të ftuar në “Opinion”, në lidhje me zyrtarët e lartë të përfshirë në korrupsion. Ai ka folur për Saimir Tahirin, Vangjush Dakon dhe Tom Doshin. Referuar emrit të Tahirit, ai tha se nuk i ka dhënë asnjë mbështetje. Sa i takon Vangjush Dakos, Rama konfirmoi miqësinë, dhe se me të nuk ka shkelur në dërrasë të kalbur.

“Saimir Tahiri u akuzua dhe iu kërkua të futej në burg 48 orë, mbasi një kazan atje në përgjiime të letrave italiane doli në gazetë. Por ti Saimir do dalësh nga këtu. S’je me anëtarë i grupit parlamentar dhe as i PS, avokati nga unë mos prit. Kush e ka bërë këtë në Shqipëri? Vetëm unë dhe vetëm PS”, deklaroi Rama.

“Dako ka qenë dhe do jetë miku im. Mua me përcakton morali dhe bindja ime. Edhe në burg të shkojë nesër, do të jetë miku im, por me Dakon nuk kam bërë kurrë dhe as më ka kërkuar dhe as kemi bashkëpunuar asnjë shkelje të ligjit të Republikës së Shqipërisë”.

“Tom Doshin e kam përjashtuar nga PS. Por nuk mund ta përjashtoj nga Shqipëria, nga politika dhe mbi të gjitha Tom Doshi nuk ka ardhur aty me makinën time. Por me votat e popullit të Shkodrës. Unë komandohem nga morali im, nga bindjet e mia”, përfundoi ai.

TIRANA TODAY


Kthehu
WhatsApp Denonco ne TT