20 vjetori i çlirimit të Kosovës duket se ka ulur gjakrat mes Ramës e Metës, ndërsa për një çast ata kanë shtrënguar duart me njëri-tjetrin. Ndonëse gjatë fjalimeve, ata kanë qënë me shpinë të kthyer nga njëri-tjetri, shtrëngimi i duarve nuk shuante ‘armiqësinë’ e cila u thellua për zgjedhjet.
Në një kohë kur vendi është pa datë zgjedhjesh, presidenti Ilir Meta nis konsultimet me partitë politike, për caktimin e një date të re për zgjedhjet. Takimet do të nisin sot pasdite në orën 19:00, me krerët e partive të Grupimit të Qendrës së Djathtë, aleatë të PD.
Meta ndjen ‘rrezikun’ e shkarkimit, bën lëvizjen e menjëhershme (Ja çfarë do ndodhë në orën 19:00)
Sakaq, në një deklaratë të bërë dy ditë më parë, kryedemokrati Basha tha se zgjedhjet nuk do të mbahen në 30 qershor, duke qartësuar se asgjë nuk do të ndodhë nësë Rama vazhdon të jetë kryeministër.
Nga ana tjetër e medaljes qëndron Rama, i cili është shprehur i vendosur se nuk do të ketë asnjë lëvizje nga 30 qershori si datë për mbajtjen e zgjedhjeve vendore të 2019-ës.
