Ish-kryeministri, Sali Berisha e ka cilësuar kryeministrin Rama “armik i interesit kombëtar”, ndërsa e konsideroi vendimin për shkarkimin e presidentit Meta një “akt puçist në Parlament”.
Në një prononcim për mediat në protestën e sotme organizuar nga opozita e bashkuar, Berisha theksoi ndër të tjera se Rama do të kalbet “me të paktën 37 vite në burg”.
“Ai është një armik i interesit kombëtaret, po kryhet një puç në parlament ndaj Presidentit. Këta horra duhet të shporren, komisioni është një akt puçist që kreu i meduzës, bashkë me narkohorrat, ndërmori ndaj Kushtetutës. Ekspertiza shpalli se ato dekretet nuk mund t’i shqyrtojë askush veç Gjykatës Kushtetuese. As narko KQZ, as narkokolegji i partisë.
Ata po bëjnë hapa të qarta drejt grushtit të shtetit dhe do përballet Edi Rama me të gjitha pasojat. Këta që bëjnë kryegjykatësin, kryeprokurorin, kryeanrkoparlamentin, këta meritojnë të përmbysen një moment e më parë. Opozita do përdorë kryengritjen popullore. Asgjë nuk i reziston dot kësaj kryengritje, jo ky narkoshtet. Edi Rama do kalbet në të paktën 37 vite në burg, në vjedhjet dhe aktet e tij antikushtetuese, sipas ekspertëve minimumi i kushton 37 vite burg”, u shpreh Berisha.
