Ministri i Jashtëm në detyrë, Gent Cakaj, ndodhet së bashku me kryeministrin Rama në Londër, në kuadër të samitit të NATO-s.
Ata kanë zhvilluar një takim me kryeministrin e Holandës, Mark Rutte dhe ministrin e Jashtëm, Stef Blok. Përmes një postimi në Facebook, Cakaj thotë se ata kanë diskutuar për shtimin e bashkëpunimit dypalësh dhe rëndësinë e perspektivës evropiane të Shqipërisë.
Cakaj shton se Holanda ka shprehur gatishmërinë e saj të plotë për të mbështetur vendin tonë me riparimin dhe rindërtimin e hapësirave të prekura nga tërmeti.
Postimi i plotë:
Sot së bashku me Kryeministrin Rama zhvilluam një takim me Kryeministrin e Holandës, Mark Rutte dhe Ministrin e Jashtëm, Stef Blok !
Diskutuam për shtimin e bashkëpunimit dypalësh dhe rëndësinë e perspektivës evropiane të Shqipërisë. Sidoqoftë, më e rëndësishmja nga të gjitha mbetet solidarizimi i plotë i Holandës me Shqipërinë në këto momente të vështira dhe gatishmëria e saj e plotë për të na mbështetur fuqishëm në përpjekjen për riparimin e rindërtimin e hapësirave të prekura nga tërmeti në gjithë vendin
