Një shqiptar është në ‘luftë me jetën’, pasi ka rënë pre e një sulmi me armë zjarri. Ngjarja është shënuar në Torino të Italisë, ku një 48-vjeçar shqiptar ka rënë pre e një sulmi me armë zjarri mesditën e sotme.
Shqiptari është qëlluar me armë në rrugën në Corso Venezia, duke mbetur i plagosur. Mediat italiane raportojnë se ka marrë të paktën një plumb në gjoks.
Gjendja e tij shëndetësore është e rëndë, dhe mbahet nën kujdesin e mjekëve. Hetuesit italianë dyshojnë se mes 48-vjeçarit dhe autorit, mund të ketë patur një konflikt përpara ngjarjes.
