Nga ana e policisë janë zbardhur pamjet e super-aksionit anti-drogë të zhvilluar në Kukës dhe disa qytete të tjera të vendit. Teksa publikon pamjet e aksionit, policia bën me dije se janë arrestuar 19 persona, mes tyre edhe dy policë.
Këta persona janë prangosur falë operacionit të koduar “Shënmëri 2020”. Operacioni ka përfshirë disa qarqe të vendit si Kukës, Lezhë, Shkodër, Tiranë dhe Gjirokastër, me mbështetjen e Forcave Lëvizëse Operacionale.
Nga strukturat e SHÇBA-së pranë Drejtorisë Vendore të Policisë Kukës, janë arrestuar dy punonjës policie, shtetasi A. K., 49 vjeç dhe shtetasi R. C, 59 vjeç, për veprën penale “Shpërdorimi i detyrës”. Sakaq, për oficerin e policisë N. K, u mor masa e pezullimit nga detyra.
