Protesta e së shtunës ka pasur edhe një aspekt tjetër të saj, debatin e fortë mes kryetares së LSI-së, Monika Kryemadhi dhe kreut të PD-së, Lulzim Basha.
Gjithçka mësohet se ka ndodhur pas mbylljes së protestës nga Lulzim Basha.
Burime për CNA.al bëjnë të ditur se debatet midis dy drejtuesve kryesorë të opozitës kanë qenë të ashpra dhe shkak duket të ketë qenë axhenda politike e kreut të PD-së.
Kryemadhi ka debatuar fort për shkak të sjelljes së Bashës dhe mënyrës sesi ai e ka organizuar protestën, duke pretenduar se po lodh qytetarët dhe kjo është kundërproduktive.
Pra, fakti që zhvillohen protesta, vinë vërdallë rrotull Kryeministrisë dhe më pas njerëzit shpërndahen.
Pra, sipas Kryemadhit është një organizim i pa menduar mirë dhe i pa qartë nga Lulzim Basha.
Debatet kanë qënë mjaft të forta, dhe janë përplasjet e para që kanë ndodhur pas formimit të koalicionit PD-LSI. Nuk dihet ende sesi do të vijohet mes dy liderve, por burime nga PD-ja theksojnë se gjithçka do të kalohet dhe me LSI-në, sërish do të ketë konsultime për të ecur më tej në frontin opozitar.
Debati ka qënë mjaft i ashpër, dhe gati është konsideruar një sherr mes dy drejtuesve të partive politike opozitare në vend./CNA.al
