Zëdhënësi i Presidentit, Tedi Blushi, i përgjigjet akuzave të kryedemokratit Basha, i cili tha se Meta, Rama dhe Berisha janë bërë bashkë për interesat e tyre, dhe për të shkatërruar PD-në. Duke marrë shkas nga kjo deklaratë, Blushi është tallur me kreun e PD-së, ndërsa ka shpërndarë një pjesë nga komedia shkodrane “Kunati i shokut Xhemal”.
Ja se çfarë shkruan Tedi Blushi
BRAVO-BRAVA vazhdon të përflasë Presidentin e Republikës.
Kunatopozitë vetëm BRAVO-BRAVA ka, që gërvisht pak dhe fiton shumë.
Me këtë perlë të Estradës së Shkodrës, “Kunatin e shokut Xhemal”, që edhe sot i shkrin gazit të gjithë shqiptarët, e përshëndesim gazin e tranzicionit “Mbretin e Memeve”, që të bën të qeshësh pa hap gojën, lëre më kur flet.
Në një takim të zhvilluar me demokratët e njësisë nr. 2 në Tiranë, kreu i PD-së Lulzim Basha tha: “Nuk ka opozitë tjetër përveç Partisë Demokratike”.
Basha u shpreh se demokratët i bashkon një qëllim i vetëm, rruga drejt të ardhmes, që sipas tij është shkëputja nga 30 vitet e tranzicionit dhe nga treshja Rama-Meta-Berisha.
