Aktivistja shqiptaro-amerikane Evi Kokalari, nuk i ka kursyer sulmet ndaj kryedemokratit Lulzim Basha dhe mbështetësve të tij. Ajo ka postuar një foto të Bashës me ish-Presidentin Donald Trump, për të cilën vite më parë u tha se kjo foto kushtoi 20 mijë dollarë.
Si qëndron e vërteta e fotos Basha-Trump?
Presidenti Trump ka qenë në qytetin Milwaukee, në një mbrëmje për mbledhje fondesh për një kandidat të partisë së tij. Trump ka bërë foto me cilindo që ka qenë i pranishëm. Basha ka blerë një biletë për të hyrë në këtë mbrëmje, dhe çmimi i një bilete për të hyrë në event është 10-20 mijë dollarë (në varësi te pozicionit ku do të ulesh).
Basha me biletën e blerë ka përfituar edhe një foto me Trump. Mesazhi i Evi Kokalarit vjen pas deklaratës së fortë të Bashës se Berisha-Rama-Meta janë bashkë për të shkatërruar PD-në. Sipas kreut të demokratëve, ish-kryeminsitri Sali Berisha, kryeministri Edi Rama dhe presidenti Ilir Meta duan ta mbajnë vendin peng.
