Pandemia ka ndryshuar rregullat e ‘lojës’ për çdo shtet. Në kohën kur kanë nisur vaksinimet në Greqi, masat janë ende në fuqi, pasi infektimet janë në nivele të larta.
Greqia ka propozuar që kontrolli shëndetësor në pikat kufitare me Shqipërinë, dhe vendet e tjera kufitare, të kryhet përpara kontrollit të pasaportave.
Kjo mase pritet të merret për të mbrojtur stafet e policisë kufitare. Lajmi në fjalë është përcjellë gjatë një vizite të zv/ministrit të Mbrojtjes Civile të Greqisë, Nikos Hardalia në Janinë.
Për rrjedhojë, shtetasit që hyjnë në Greqi, përpara kontrollit të pasaportave duhet të kryejnë testin e Covid-19. Kjo do te ndihmojë që efektivet e policisë të mos bien në kontakt me të infektuarit me koronavirus.
