Raporteri i Parlamentit Evropian për Shqipërinë nga grupi parlamentar i PPE-së, David Lega ka reaguar lidhur me paketën “antishpifje” për mediat online.
Përmes një postimi në “Twitter”, Lega shkruan se nëse Parlamenti miraton këtë projektligj, atëherë Shqipëria rrezikon kryesimin e OSBE-së, por edhe negociatat e anëtarësimit me Bashkimin Europian.
“Nëse Parlamenti shqiptar miraton ligjet e reja për median, ai vë në rrezik kryesimin nga Shqipëria të OSBE-së. Gjithashtu, ky vendim do të komplikojë negociatat për anëtarësimin në Bashkimin Europian. Për këtë arsye, rezistenca e fortë nga Partia Demokratike është e mirëpritur”, shkruan ai.
