Politikë

“Padia e Ramës një paturpësi”, Haradinaj: Ai është fanatik i ndarjes së Kosovës


               Publikuar në : 22:46 - 23/01/20 B H

Ramush Haradinaj u shpreh se padia e Ramës ndaj tij është një akt i turpshëm. Ai tha se nëse dikush duhet të ngrinte padi atëherë do ishte vetë ai, duke e cilësuar Ramën si një “fanatik” të ndarjes së Kosovës.

“Kam marrë informacion nga mediat, por nuk kam marrë konfirmim nga gjykatat dhe nuk di se çfarë ka në padi. Unë u kërkoj falje qytetarëve për këtë debat, por kjo është një paturpsi e Ramës që ka bërë këtë padi. Pasi ai që duhet të bënte një padi kam qenë unë, pasi Rama ka qenë një fanatik i ndarjes së Kosovës. Kjo është skajshmëria e Kosovës, ai i ka bërë faje Kosovës dhe tërhiqet  në këtë paturpsi të tijën. Rama po bën hajgare me këtë padi ndaj meje”, tha ai.

I ftuar në emisionin “Open” në Top Channel, Haradinaj foli edhe për çështjen e shumë përfolur për shkëmbimin e territoreve Kosovë-Serbi. I pyetur nëse SHBA ka qenë pro idesë së ndarjes së Kosovës, Haradinaj e mohoi këtë gjë.

“SHBA s’ka qenë kurrë pro ndarjes së Kosovës. Në qëndrimet e saj SHBA thotë se ju lamë juve pak hapur për të dialoguar, por nuk ka qenë asnjëherë pro ndarjes”, tha ai.


Kthehu
WhatsApp Denonco ne TT