Stil

Noizy merr Certifikatë Mirënjohje/ Tregon “tmerrin” që përjetoi ditën e tërmetit


               Publikuar në : 15:33 - 03/12/19 M D

Noizy ka qenë ndër reperët që ka shprehur solidaritetin për të prekurit nga tërmeti, duke iu ardhur në ndihmë.

Reperi gjithashtu ka dhënë ndihmë të veçantë edhe për personat me aftësi ndryshe.

Së fundmi ai ka qenë në Fier ku ka marrë edhe një Certifikatë Mirënjohjeje për kontributin që ka dhënë ndër vite.

Lajmin e ka bërë të ditur reperi nëpërmjet një postimi në Insta Story.

Gjatë vizitës në Fier ai ka takuar edhe persona me aftësi të kufizuara dhe ka realizuar një bisedë me ta.

“Shqiptarja.com” shkruan se reperi ka treguar edhe “tmerrin” që ka përjetuar ditën e tërmetit.

“Më vjen mirë që i kaluam ato streset e mëdha sepse ishte me të vërtetë fatkeqësi e madhe, jo vetëm për Durrësin, por për të gjithë Shqipërinë. Shyqyr Zotit u lehtësua dhe inshallah nuk e kalojmë më kurrë atë gjë.

Ishte diçka shumë e keqe, shumë e hidhur, pasi unë qëllova mes rrënojave me mamin, mbesën dhe motrën shtatzënë, që është diku gjashtë-shtatë muaj, ka qenë tmerr për mua. Shyqyr Zotit shpëtuam pa dëme, por siç dihet ka pas shumë të vdekur dhe ndihem sikur ata mund të ishin pjesëtarët e familjes sime. I lutem Zotit që kurrë më mos t’i përjetojmë këto gjëra që na ndodhën”, tha Noizy.

Gjatë këtyre ditëve reperi ka qëndruar pranë banorëve të Durrësit, ku i ka ndihmuar me ushqime veshje dhe strehim.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

Kthehu
WhatsApp Denonco ne TT