2 muaj pas regjistrimit të rastit të parë në Wuhan të Kinës, koronavirusi ka shpërthyer edhe në Itali. Deri në një urdhër të dytë lidhur me situatën kaotike nga koronavirusi, mësohet se futbolli amator në rajonin e Lombardisë në Itali, do të ndërpresë aktivitetin e tij.
Vendimi në fjalë është marrë nga komiteti rajonal, që ka vendosur të pezullojë 42 ndeshje të kampionateve të ndryshme. Shkak është gjendja kritike në zonë pas 6 rasteve të identifikuara me koronavirus.
Deri në mesditën e sotme, ekipet do të kenë të drejtë të kërkojnë shtyrje të ndeshjeve të tjera të kalendarit, gjithmonë duke u bazuar në situatat e veçanta në secilin ekip apo në varësi të territorit ku ndodhet ekipi.
Në Itali është shënuar viktima e parë nga koronavirusi. Adriano Trevisan, 78 vjeç, ndërroi jetë në spitalin e Schiavonia, në Padova.
Ai ishte në spital prej 10 ditësh, ndërsa nuk ka mundur të mposhtë virusin që ka marrë më shumë se një mijë jetë njerëzish, që prej shpërthimit të tij në Wuhan të Kinës. 78-vjeçari, ish-pronar i një ndërmarrje të vogël ndërtimi.
