Kreu i qeverisë, Edi Rama, ka përcjellë një mesazh falenderues për të gjithë bashkëqytetarët jashtë atdheut në ditën e diasporës.
Rama iu shpreh mirënjohjen të gjithë atyre që nga jashtë Shqipërisë, i dhanë vendit tonë gjithçka kishin.
Kryeministri Rama nuk harron edhe “njerëzit e zakonshëm” të vendit, ndërsa shkruan se me mund e me sakrifica rrisin fëmijët e tyre në emigracion, dhe ndihmojnë familjarët e tyre në Shqipëri.
Statusi
Në këtë DITË TË DIASPORËS u uroj shëndet familjarisht të gjithë bashkëqytetarëve jashtë atdheut dhe përulem me respekt, përpara kujtimit e veprës patriotike të atyre që nga jashtë Shqipërisë, i dhanë vendit tonë gjithçka kishin, si edhe përpara punës së admirueshme të atyre, që e ngrenë lart emrin shqiptar në skenën e madhe të botës, pa harruar kurrsesi njerëzit e zakonshëm të këtij vendi, të cilët me mund e me sakrifica rrisin fëmijët e tyre në emigracion dhe ndihmojnë familjarët e tyre në Shqipëri.
