Para disa javësh, media amerikane TMZ raportoi se modelja shqiptare Angela Martini kishte paraqitur kërkesën për divorc nga biznesmeni Dragos Savulescu.
Sipas dokumenteve, Angela kishte renditur si arsye divorci për martesën 7-vjeçare “ndryshimet e papajtueshme”. Dokumentet datonin më 24 tetor.
Por në urimin për ditëlindjen e djalit të tyre, modelja nuk e ka lënë mënjanë Dragos. Ajo ka postuar foto të Kyree dhe në postim ka përfshirë një ku ai është në krahët e të atit.
Në urim, Angela përdor gjithnjë numrin shumës duke nxitur dyshime se lajmi mund të ketë qenë i pavërtetë. Megjithatë, nuk përjashtohet mundësia se kjo mund të jetë thjesht një formë respekti ndaj partnerit të saj dhe se mbi të gjitha, ata mbeten një familje.
“Sot bota u bë më e ndritshme sepse zemra dhe shpirti ynë, Kyree Martini-Savulescu, lindi. Dielli ynë, lumturia jonë, gëzimi ynë më i madh.
Historia jote ka qenë e jashtëzakonshme që nga momenti i parë. Edhe përpara se të shiheshe, ekzistenca jote mbartte diçka unike, një prekje hyjnore, një fat të shkruar ndryshe. Shigjetari ynë i vogël i çmendur, ti erdhi me universin që bënte tifozllëk për ty.
Ti je fëmija që zgjodhëm…
Dhe në njëfare mënyre fëmija që na zgjodhi neve.
Fëmija ynë i mrekullisë.
Gjithçka jona.
Gëzuar ditëlindjen, Kyree.
Të duam pafund”, përfundon postimi.
