Kryeministri Edi Rama ka bërë me dije se ditën e nesërme të gjithë pensionistët, nga i gjithë vendi do të kenë mundësi të dalin për shëtitje deri në orën 11:30.
Në një komunikim live me kryebashkiakët e zonave të shpallura të gjelbra (më pak të prekura nga koronavirusi), Rama sqaroi se pensionistët nuk do të lejohen në makina. Kjo tha Rama vlen edhe në vendet e gjelbërta edhe në zonat e kuqe.
Ndërkohë, kreu i qeverisë tha se tek zonat e gjelbërta të moshuarit do e kenë orarin deri në 08:30 për të lëvizur.
“Dhe ai shembulli skandaloz që e solla sot në vëmendje për djalin që e merr malli për prindërit dhe i infekton dhe dashtë zoti ti nxjerrë nga kjo mortje.
Duhet të influenconi jo vizita nëpër shtëpia. Prindërit më vete duhet t’i ruajnë dhe t’i ndihmojnë, t’i çojnë ushqime te dera, dhe jo t’i përqafojnë, sado jo njerëzore të jetë kjo është mënyra më e mira. Pensionistë në makina në asnjë mënyrë. Pensionistëve do u lehtësohen, nesër është dita e tyre në gjithë Shqipërinë.
Në zonat tuaja deri në 08:30. Nuk do dalë njeri tjetër. Por jo në makinë. Jo në grumbullime, domino se rrezikojnë jetën e tyre. Lokalet dhe të moshuarit. Vizitat nëpër shtëpia nuk ruhen nga Policia. Duhet ndërgjegjësimi. Secili duhet të jetë roje i vetes”, tha ai.
