Fluturimet nga Brukseli dhe Viena, Ministria e Infrastrukturës publikon oraret

Vijon procesi i riatdhesimit të shqiptarëve, që masat e marra në kuadër të pandemisë së koronavirusit i kanë lënë jashtë kufijve shqiptarë.

Ministria e Infrastrukturës dhe Energjisë bën me dije se fluturimi i radhës do të realizohet ditën e diel, në Bruksel.

Sipas kalendarit të publikuar, aeroplani niset nga Tirana në orën 11:00 dhe mbërrin në 13:45, ndërsa kthimi nga 14:45 dhe mbërrin përsëri në aeroportin e Rinasit në 17:15.

Ndërsa ditën e hënë është radha e Vienës në Austri. Aeroplani niset nga Tirana në orën 10:00 dhe mbërrin në 11:30 teksa kthimi nga 12:30 dhe mbërrin përsëri në aeroportin e Rinasit në 14:00.

Deri tani qeveria shqiptare ka kryer riatdhesime nga Stambolli, Roma, Frankfurti, Parisi.