Presidenti i Afrikës së Jugut thirrje popullit të vendosë maskën, por vetë në praktikë “dështon”

Presidenti i Afrikës së Jugut, Cyril Ramaphosa ka lënë një skenë qesharake në publik, teksa po i bënte thirrje popullit të përdornin maska mbrojtëse ndaj koronavirusit.

Në video ai duket se po përpiqej të tregohej sa më i thjeshtë dhe praktik, por maska që ai po përpiqej të vendoste dukej të ishte shumë e vogël për kokën e tij.

Edhe kur më në fund arriti ta vendoste maskën, ajo i mbuloi atij sytë. Por pas disa tentativave ai arriti ta vendosë sic duhet maskën.

Cyril Ramaphosa njoftoi një lehtësim të “Lock-Down-it” dhe masave kufizuese, kryesisht për aktivitetet ekonomike.

Deri më tani, Afrika e Jugut numëron 3,953 persona të infektuar dhe 75 viktima nga koronavirusi. Më shumë se 1,400 persona janë shëruar, ndërsa numri i rasteve ende aktive përllogaritet 2,404.