Ministria e Shëndetësisë ka vendosur të ndryshojë një pikë, në urdhrin që kufizon lëvizjet në Shqipëri.
MSH ka vendosur që listës së bizneseve që mund të rrinë të hapura në këto kohë, t’i shtojë edhe 3 biznese të tjera.
Sipas vendimit të ditës së sotme, thuhet se do të lejohet aktiviteti për gomisteritë, libraritë dhe kancelaritë.
Me ndryshimin e bërë, këto tre subjekte do të lejohen që të ushtrojnë aktivitetin e tyre pavarësisht masave ndaluese në vend.
Kujtojmë se që nga verifikimi i rasteve të para me koronavirus në Shqipëri, qeveria ka vendosur një sërë masash kufizuese në qarkullimin e njerëzve dhe makinave, për të frenuar përhapjen e mëtejshme të koronavirusit.
