Nga data 1 qershor do të hiqet maska në ambientet e jashtme, por jo brenda ambienteve ku nuk respektohet distanca. Ky është vendimi më i fundit marrë nga Komiteti Teknik i Ekspertëve. Në daljen e radhës për mediat, Komiteti ndryshoi edhe orën policore, duke iu referuar numrit në ulje të infektimeve.
Ora policore nga 22:00 do bëhet në orën 23:00. Klubet e natës do të vijojnë të jenë të mbyllura, ndërsa ekspertët kanë nënvizuar se kujdesi duhet të jetë i lartë, pasi pandemia nuk ka përfunduar.
Kryetarja e Komitetit Teknik të Ekspertëve, Mira Rakacolli, deklaroi se nga 1 qershori nuk do jetë e nevojshme mbajtja e maskës në ambjente të hapura, dhe ora policore do shtyhet deri në 23:00.
“Përcaktimi i masave në përputhe me indikatorët e situatës dhe ndihet mirë efekti i vaksinimit. Në këtë situatë Komiteti mendon se ka vend për lehtësim. Nga data 1 qershor të hiqet detyrimi për mbajtjen e maskës në ambjentet e jashtme, por do të mbahet në ambjentet e mbyllura dhe në transportin publik.
Nga ora policore me 1 qershor do të kalojë në orën 23:00 deri në 06:00 të mëngjesit. Klubet e natës do të vijojnë të jenë të mbyllura. Nga 14 qershori grumbullimet nga 10 persona në 50 persona, nga 1 korriku do të shtyhet në orën 24. Do të lejohen kampionatet sportive me kapacitete të reduktuara, aktivitetet e teatrove dhe të shfaqjeve artistike”.
