Ministrja e Mbrojtjes, Olta Xhaçka do të zhvillojë një vizitë zyrtare në Shtetet e Bashkuara të Amerikës, ku do të takohet me sekretarin amerikan te Mbrojtjes, Patrick M. Shanahan.
Mësohet se Xhaçka do të nënshkruajë gjithashtu një marrëveshje për modernizimin e Forcës Ajrore.
Kjo marrëveshje parashikon marrjen e disa helikopterëve Black Hawk, mirëmbajtjen tyre dhe trajnimin e personelit.
Vizita e ministres Xhaçka në Pentagon, është e dyta brenda një viti; kujtojmë se një vit më parë ajo u prit nga sekretari i Mbrojtjes, James Mattis.
