Kreu i Shtetit Ilir Meta, ka lëshuar dekretet e fundit për këtë vit, duke zyrtarizuar në detyrat e reja ministrjen e Jashtme Olta Xhaçka dhe atë të Mbrojtjes, Niko Peleshi.
Ndryshimet në qeveri u njoftuan disa ditë më pare, pas dorëheqjes së ministrit të Jashtëm në detyrë, Gent Cakaj. Në vendin e tij, Rama vendosi Xhaçkën, ndërsa për postin e saj riktheu pas katër vitesh në kabinet, Niko Peleshin.
Fillimisht Meta ka dekretuar shkarkimin e kryeministrit Edi Rama nga detyra e ministrit për Europën dhe Punët e Jashtme, dhe më pas ia ka ngarkuar atë Olta Xhaçkës, e cila më herët mbante detyrën e ministres së Mbrojtjes. Pas lëvizjes së bërë nga Xhaçka, posti i saj është zënë nga Niko Peleshi.
