Kryeministri Edi Rama zhvilloi ditën e sotme një takim me kancelaren gjermane, Angela Merkel në lidhje me rindërtimin e shtëpive pas tërmetit të 26 nëntorit.
Para se të takonte kreun e qeverisë shqiptare, Merkel tha se do të dëshironte që negociatat me Shqipërinë të hapeshin në mars.
“Mbi të gjitha, ne duam të arrihet një marrëveshje në mbledhjen e ardhshme të Këshillit Evropian për hapjen e negociatave për Shqipërinë dhe Maqedoninë e Veriut. Të dyja vendet kanë arritur shumë. Ne do të punojmë tani që këto arritje të marrin meritën e tyre me një rezultat në mars”, tha ajo.
