Një lajm i dhimbshëm vjen nga Greqia, ku një ish-futbollist i kombëtares helene është gjetur i vrarë në makinë.
Futbollisti grek Nikos Tsumanis është gjendur i vdekur në makinën e tij. Mediat në Greqi njoftojnë se 31-vjeçari është gjendur pa shenja jete nga familja e tij, ndërsa ishte me duart të lidhura dhe me një rrip në qafë. Policia dyshon se kjo është një vrasje, por ende nuk ka asnjë pistë mbi ngjarjen.
Pasi u raportua i zhdukur nga miqtë e tij, filluan kërkimet intensive për gjetjen e 31-vjeçarit duke zbuluar më pas trupin e tij të pajetë.
Nikos Tsumanis së fundmi ishte pjesë e Apollonit në kampionatin grek, ndërsa ka qenë pjesë e Shpresave të Greqisë në vitin 2011 dhe më parë ka luajtur për Korfuzin, Panathinaikosin e Ksanthin.
