E martë, 19 Janar, 2021
-4 C
Tirana

Ku shkuan paratë e pandemisë?, Hajdari: Qeveria të ofrojë një paketë të tretë

Në fjalën e marrë në Kuvend, deputetja Rudina Hajdari ka vënë para përgjegjësisë qeverinë Rama, se ku i çuan paratë që morën borxh për pandeminë e COVID-19. Me tone të ashpra, Hajdari propozoi që Kuvendi të miratonte një tjetër paketë ndihme për qytetarët në nevojë që gjenden në vështirësi, si dhe për bizneset e vogla.

Ajo tha se kryeministri Edi Rama ka dhënë ndihmën më të vogël për qytetarët, teksa ka propozuar që qeveria të japë edhe një paketë të tretë. Deputetja shtoi më tej se mbyllja e bizneseve, do të na kushtojë më shumë. Ndaj ka kërkuar që të miratohet një paketë për biznesin e vogël, që të mbulojë koston fikse për qiranë apo taksat. Kjo do të ndihmojë dhe në stimulimin e konsumit.

“Pas kësaj marrëveshje me Bankën Evropiane për Rindërtim, qeveria shqiptare do të marrë 15 mln euro.

Një pyetje që më shqetëson mua, është se ku i çojnë paratë që marrin borxh?! Keni marrë që nga fillimi 1.2 mld euro borxh. Ministria e Financave na thotë se deficiti s’ka shkuar as 500 mln euro.

Ndaj ky deficit nuk pritet që të shkojë më shumë se kaq. Pse kemi marrë kaq shumë borxh dhe pse po vazhdojmë të marrim?!

500 mln euro i kemi marrë për krizën ndaj COVID, por qeveria Rama aq 50 mln euro si ka çuar për përballimin e krizës. Edhe pse kaq shumë borxhe, FMN tregoi se paketat e mbështetjes së COVID të Shqipërisë janë më të vogla se të rajonit.

Rama është kryeministri i vetëm në rajon që merr një shumë parash dhe ofron ndihmën më të vogël qytetarëve. Fatkeqëve që i la pandemia pa punë, iu dha ndihmë qesharake. Këto të tjerat u bënë për të hapur fushatën elektorale.

Lexo edhe :   Hajdari refuzon të votojë marrëveshjen e fshehtë me Pfizer: Si erdhën vaksinat?

Pse u morën kaq shumë borxh, kur plani ishte që të përdornim kaq pak për kompensimin e dëmeve apo dhe mbështetjen e shëndetësisë. Meqë këto lekë u morën borxh 1.2 mld euro, pse s’ju dhamë ndihmë atyre njerëzve që vuajnë nga pandemia.

Pse s’ju dha një paketë e tretë për ata njerëz dhe bizneset në nevojë. Pse të mos japim një paketë ndihme për biznesin e vogël që po mbyll qepenat çdo ditë. Një transfertë direkte për përballimin e kostove. Mbyllja e bizneseve do të na kushtojë shumë e më shumë. Le të miratojmë një paketë për biznesin e vogël që të mbulojë koston fikse për qiranë apo taksat.

Lexo edhe :   Hajdari refuzon të votojë marrëveshjen e fshehtë me Pfizer: Si erdhën vaksinat?

Kjo do të ndihmojë dhe në stimulimin e konsumit. Sikur 200 mln euro t’i angazhojmë për t’i dhënë për krizën, do të mjaftonte që të rikuperohej diçka. Nga kjo do të kemi fitime si nga mbajtja e biznesit por dhe konsumit do t’i jepej një hov që është tkurrur. Borxhet i kemi marrë, interesat po i paguajmë. Ndaj t’i përdorimin këto borxhe për diçka të mirë. I kemi marrë gjithmonë dhe një Zot e di se ku kanë shkuar”, tha ajo.

- Reklama -

Më shumë nga kategoria




Të fundit

Mesi e gjuajti me shpullë, sulmuesi i Bilbaos: Ai u nxeh sepse e bllokova

Sulmuesi i Atletik Bilbaos, Asier Vijalibre do të mbahet më shumë mend për faktin se detyroi Lionel Mesin të ndëshkohej me karton të kuq...

Qeverisje me PS? Duma: Zero shanse, ofendim për sakrificat e demokratëve

Ish-deputetja Grida Duma hodhi poshtë mundësinë e një koalicioni të madh mes PS- së dhe PD-së. E pyetur për thashethemet që qarkullojnë së fundmi për...

Mediu: Të biem dakort me PD-në sa më shpejt të jetë e mundur që të mundim Ramën

Kryetari i Partisë Republikane, Fatmir Mediu është shprehur se bisedimet me Partinë Demokratike për arritjen e një marrëveshjeje vijojnë. Në ''Open”, Mediu tha se PR-së...

“Pyetjet i merr nga Basha“/ Gazetarja-Topallit: Merre telefonin shikoje

Gazetarja e ABC, Esiona Konomi dhe kryetarja e Lëvizjes për Ndryshim, Jozefina Topalli, janë përplasur në emisionin ''Log'' në lidhje me bashkëpunimin e tyre...

Akuza për spiunazh, Rusia dëbon dy diplomatë holandezë

Rusia ka dëbuar dy diplomatë holandezë në një veprim reciprok pasi Holanda dëboi dy diplomatë rusë në fund të vitit të kaluar. Ministria e Punëve...