Kryesore

Kryemadhi në ethet e protestës: Rama me brekushet e tij është në ikje

               Publikuar në : 19:01 - 15/03/19 marsela

Në një takim të mbajtur me strukturat e LSI-së në Kamëz, Monika Kryemadhi foli për protestën që do mbahet nesër, duke ftuar qytetarët pa dallim bindjesh politike. Kryetarja e LSI-së tha para të pranishmëve se protesta e opozitës së bashkuar nuk do të jetë për politikë, e as pushtetin, por për të ardhmen e fëmijëve tanë.

Po kështu ajo shtoi se gjatë së shtunës, do të mbahet një nga protestat më të mëdha që ka parë Shqipëria. Ajo ka ironizuar kryeministrin Rama edhe për veshjen, duke thënë: “Le të ikë Rama me brekushet e veta nga ka ardhur”. Me tone të larta, ajo u shpreh se “Shqipëria nuk mund të jetë ‘pikë e zezë’ prej Ramës.

“Le të ikë Edi Rama me brekushet e veta andej nga ka ardhur. Ne do ta bëjmë Shqipërinë evropiane, sepse në zemrat tona ka dëshirë dhe dashamirësi për vendin”, tha Kryemadhi.

Deklarata

“Më thonë që Rama e ka problem të madh pse unë besoj në Zot. Unë besoj shumë më shumë se ç’duhet të besoj një besimtar. Do besoj 2-fish e 3-fish më shumë seç beson një besimtar, sepse dua që me lutjet e mia në Zot dhe me besimin tim të shpaguaj të gjithë atë mëkat që bënë prindërit e Ramës, duke shkatërruar kisha dhe xhami, në vitet e komunizmit. I bëj thirrje Ramës që me besimin tim, ti shpëtoj shpirti atij dhe veglave të tij që grabisin pronat e kishave dhe xhamive.

Do të lutem në Zot për të fituar besimin tek njerëzit, që tu kthehen pronat kishat, xhamive dhe teqeve, që Rama të mos vazhdojë të vjedhë pronat e Zotit”, tha Kryemadhi.

“I bëj thirrje Ramës, kudo shkoftë, të mos ironizojë dhe të mos përmendë emrat e shenjtëve, sepse mallkimi i tyre do të bie mbi të, dhe nuk do ta shpaguaj dot as në botën tjetër.

Larg gojën tënde të ndryrë nga Zoti që mbron shqiptarët, nga ky mallkim që i ke hedhur ti Shqipërisë.

I bëj thirrje kujtdo politikani, e qytetare, që nesër të gjithë në shesh para Kryeministrisë, për shtëpitë dhe të ardhmen tonë.

Ne do të ndërtojmë të ardhmen tonë këtu, në Shqipëri.

Sot jemi një ditë para protestës, një nga më të mëdha që ka parë Shqipëria.

Është mision i vështirë, por jo i pamundur!”, ka përfunduar ajo.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

Kthehu
WhatsApp Denonco ne TT