Gjykata e Posaçme ka rrëzuar sërish kërkesën e mjekut, Edvin Prifti, për ndryshim të masës së sigurisë “Pezullim nga detyra”. Mjeku kardiolog është në një proces gjyqësor, pasi akuzohet për korrupsion.
Ish-shefi i kardiokirurgjisë në QSUT, ra në rrjetën e përgjimeve të SPAK, në kohën kur hetuesin ishin vënë në ndjekje të ish-gjyqtares së Krujës, Enkelejda Hoxha.
Emri i tij u përmend nga sekretarja e gjykatës së Krujës, Manulela Mallakuci, e cila po i tregonte kushërirës së saj se i kishte dhënë 2 mijë euro Edvin Priftit, në mënyrë që t’i operonte mamanë pa radhë. Edvin Prifti akuzohet për “korrupsion” dhe “pastrim parash”.
