Kronikë

Kamera sigurie e agjentë civilë. 1600 policë në terren për protestën e opozitës

               Publikuar në : 16:47 - 15/03/19 marsela

Për protestën e opozitës janë marrë një sërë masash drastike, për të shmangur çdo lloj incidenti të mundshëm. Blutë e Tiranës kanë bërë me dije se plani i masave do të jetë gatishmëri e të gjithë komisariateve nisur prej mbrëmjes së të premtes, e deri në përfundim të protestës e cila nuk ka një orar përfundimi.

Për të monitoruar situatën, do të jenë në terren plot 1600 efektivë policie.

Masat

Kamera sigurie, dron, agjentë civilë, 1600 efektivë policie, automjete të hedhjes së ujit si dhe Garda e Republikës do të jenë të angazhuara si plan i masave për të monitoruar dhe ndërhyrë në çdo moment nëse protesta e opozitës do të bëhet e dhunshme nesër para Kryeministrisë.

Po kështu, shtyllat ku janë vendosur kamerat e sigurisë janë lyer me graso. Kjo masë është ndërmarrë për të shmangur ngjitjen e protestuesve, të cilët shkëpusin megafonët e policisë.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

Kthehu
WhatsApp Denonco ne TT