Aktualitet

‘Juli i Pashakos’ ndërhyn live në ‘ABC News’: S’kam lidhje me prokurorin


               Publikuar në : 21:16 - 08/11/19 M S

Julian Sula i njohur me pseudonimin “Juli i Pashakos”, ka hedhur poshtë në mënyrë kategorike zërat që e bënë përgjegjës për atentatin ndaj prokurorit.

Rasti i prokurorit/Si i iku policisë 1 muaj më parë “Juli i Pashakos”

Në një lidhje të drejtpërdrejtë telefonike, shtetasi Julian Sula, i shpallur në kërkim për atentatin ndaj prokurorit Ndoj, konfirmoi krejt të kundërtën. Ai tha se ndodhej në Turqi, pasi nuk ndodhej mirë nga gjëndja shëndetësore.

Pasi ka vijuar procedurat përmes avokatit të tij, ai sqaroi se nga ana e policisë nuk kishte asnjë akuzë. “Nuk e di se sot erdha. Kam qenë vizitë në Turqi, se jam keq nga mushkëritë. Flas me avokatin; i thashë pse më kërkojnë dhe foli avokati me shefin e komisariatit dhe drejtorin. Dhe ata i thanë nga ne nuk ka gjë. I pyeti pse i keni vajtur kontroll?! Unë s’jam as i kërkuar, nuk di pse më lidhin me ngjarjen. Sa erdha në shtëpi nga Turqia në Kosovë, nga Kosova në shtëpi”.

Sula thekson se në ditën që ka ndodhur atentati, ishte në Kosovë duke ikur për në Turqi. Madje ai mohon që të ketë lidhje me Redjan Rrajën dhe prokurorin Ndoj.

“Në datë 1 kam qenë në Kosovë, duke ikur për në Turqi. Nuk di pse mi kanë bërë këto gjëra”.

Ai mohon të ketë njohje me Redjan Rrajën, prokurorin Ndoj apo Pëllumb Muharremin. “Nuk e njoh Redjan Rrajën. Nuk e njoh prokurorin Ndoj. Hera e parë që e dëgjoj. Jo fare as Pëllumb Muharremin”.

Julian Sula shprehu gatishmërinë për t’u paraqitur në polici, pasi situata ka marrë përmasa të jashtëzakondshme. Kjo ka ndikuar edhe tek familja e tij. “Jam i gatshëm të paraqitem. Se po dëgjoj lloj-lloj gjërash. Goca me psikolog, më kanë ç’akorduar familjen. Që nesër në mëngjes jam te dera”.

Reagimi i tij pason pas informacioneve se ai ishte shpallur në kërkim. Madje thuhej se grupi hetimor kshte zbuluar gjurmë të tijat në makinën që u përdor për atentatin ndaj prokurorit Arjan Ndoj, dhe shoqëruesve të tij.

‘Abcnews.al’ citonte grupin hetimor se Sula ishte duke përgatitur një tjetër atentat të bujshëm, në një qytet të rëndësishëm të vendit. Por nuk vijoi me planin e tij, pasi kuptoi se policia ishte vënë në ndjekje të tij.

34-vjeçari Redjan Rraja, i njohur me pseudonimin “Dara”, akuzohet nga Prokuroria si një nga atentatorët ndaj prokurorit Arjan Ndoja, i cili mbeti i plagosur në atentatin e 1 nëntorit në mbikalimin e Shkozetit.

Arrestimi i Rrajës, kush është modelja e njohur që u pyet në polici (FOTO)

 

I plagosur gjithashtu mbeti edhe Landi Muharremi, një person me precedentë penalë. Ndërsa shoferi i Ndojës, Andi Maloku ndërroi jetë dje, në spitalin e Traumës.

Vdes në spital shoferi që i shpëtoi jetën prokurorit me manovrat në Shkozet

Rraja u arrestua nga Policia e Shtetit, teksa po tentonte të largohej nga Shqipëria drejt Malit të Zi. Rraja u zbulua nga gjurmët e gishtave të gjetura në një prej syzeve që ndodheshin në makinën Benz, ngjyrë gri, që u gjet e padjegur në Ishëm me të cilën po udhëtonin autorët e atentatit.

Kthehu
WhatsApp Denonco ne TT