Kreu i Bindjes Demokratike, Astrit Patozi, u shpreh se për krizën politike në vend, po përdoret si pretekst Gjykata Kushtetuese. Në studion e “Repolitix”, ai tha se roli i presidentit është i pakuptimtë, pasi ai nuk ka reaguar as në kriza më të mëdha se kjo, siç ishte rasti i daljes së opozitës nga Parlamenti. Sipas tij, Qeveria duhet të marrë përsipër sundimin me arrogancë, dhe opozita të mbajë përgjegjësi për djegien e mandateve. Në rast se kjo nuk ndodh, Patozi shprehet se ne do shkojmë në një krizë tjetër.
“Në optikën time, unë nuk mendoj se është vetëm Gjykata Kushtetuese në thelbin e kësaj krize. Ajo thjesht po përdoret si pretekst. Nuk është arsyeja e vërtetë sepse ka pasur gjëra më të rënda se kjo.
Po marr shembullin e ikjes së opozitës nga Parlamenti, e cila është më e rëndë se marrja e një anëtari të Kushtetueses, dhe Meta nuk luajti ndonjë rol për atë çështje. Qeveria duhet të marrë përsipër sundimin me arrogancë, dhe opozita të mbajë përgjegjësi për djegien e mandateve. Në rast se kjo nuk ndodh, ne do biem në një krizë tjetër. Ne nuk do dalim dot nga spiralja”, u shpreh Patoz
Patozi, në argumentin e tij tha me ironi se edhe pas thirrjes së presidentit për të marrë armët, kreu i PD-së nuk ndal takimet me fermerët. Kreu i Bindjes Demokratike është i mendimit se aktualisht po jetojmë në Republikën e kryetarëve, ku kryetari më i keq është kryeministri.
“Kur presidenti thotë këtu po bëhet nami, lideri i opozitës është duke folur me fermerët. Kur Meta thotë duhet të marrim armët, Basha minimumi duhet të linte fermerët, dhe t’i dilte në krah.
Thelbi i kësaj krize është kryetarokracia. Jemi në Republikën e kryetarëve, ku kryetari më i keq është kryeministri. Ne kemi marrë një tatëpjetën pas 2009. Shqipëria ka hyrë në kriza të pashembullta. Provat janë dhënë”, deklaroi Patozi.
“Rama ik”, Patozi flet për platformën e re dhe thumbon hapur opozitën
