Dje, gjatë ceremonisë së diplomimit të studentëve të mjekësisë, ku ishte i pranishëm edhe kryeministri, ka ndodhur një incident me një student i cili i ka ndërprerë fjalën Ramës. Nënkryetari i PD, Edi Paloka ka publikuar një video, ku thotë se studenti është nxjerrë me dhunë, pasi prishi atë që ai e cilëson si shfaqjen bajate. Duke folur përmes shifrave, Pakola thotë se mjekët dhe infermierët janë të parët në listën prej 400 mijë shqiptarësh që janë larguar e vazhdojnë të largohen nga vendi, që kur Rama zuri karrigen e kryeministrit.
Statusi
Ja dhe nje here fytyra e Rames , pikerisht me 20 shkurt ; shkon me perdhune ne ceremonine e diplomimit te studenteve (se vete nuk mbledh dot me as administraten e tij ne tubim ) dhe urdheron te nxirret me dhune nga salla prej gorrillave qe e shoqerojne, nje student qe eshte ne shtepine e tij ( ceremonia e diplomimit behet per studentet e jo qe te perfitoj Rama per te mbajtur fjalime) .Pse ? Sepse ai student i prishi shfaqjen bajate duke i thene nje te vertete qe sot e njohin te gjithe ; mjeket dhe infermieret jane te paret ne listen prej 400 mije shqiptaresh qe jane larguar e vazhdojne te largohen nga vendi qe kur Rama zuri karrigen e kryeministrit. Duhet qerruar nje ore e me pare qe mos ikin me shqiptaret!
Teksa kreu i qeverisë po fliste lidhur me kushtet e reja ku po punojnë “bluzat e bardha”, një nga të pranishmit në sallë ka ngritur zërin duke i thënë Ramës së në Shqipëri diplomohen vetëm të pasurit. Studenti Emiljando Kita, i cili i ndërpreu fjalën kryeministrit Edi Rama dje gjatë ceremonisë së diplomimit të studentëve të mjekësisë, është nxjerrë me forcë nga salla. Ai shprehet se menjëherë pas replikave me Ramës, është shoqëruar në polici, duke shtuar se është nxjerrë me dhunë. Studenti thotë se Lëvizja e Universitetit do të organizojë protestë, pasi sipas tyre, nuk është respektuar asnjë pikë e paktit për Universitetin.
