Lojtari maqedonas Tome Kitanovski, i cili luan për ekipin e Kukësit është larguar nga Tirana, pas tmerrit që përjetoi me tërmetin në Shqipëri në datën 26 nëntor.
Mediat shkruajnë se ai ndodhet në vendlindjen e tij dhe me shumë gjasa nuk do të jetë në dispozicion të trajnerit Duro në sfidën me Tiranën.
Gjatë prononcimit për mediat ditën e sotme, trajneri Shpëtim Duro pohoi se lojtari nga Maqedonia është mungesa e vetme në sfidën e radhës.
Ai theksoi më tej se Kitanovski i ka përjetuar keq tërmetet dhe klubi ka preferuar të mos i ushtrojë presion duke e lënë ta marrë ai vendimin përfundimtar. /Dosja.al
