Aktualitet

Inxhinieri i Ndërtimit jep deklaratën e fortë


               Publikuar në : 22:53 - 03/12/19 M S

Inxhinieri i Ndërtimit, Arben Meçe, ka dhënë deklaratën e fortë teksa tha se ndërtimet në zonën e plazhit janë bërë pa leje ndërtimore. Në emisionin “Real Story” në “News 24”, ai u shpreh se provat e krimit janë në dokumente, pasi ata që kanë ndërtuar, kanë vendosur firmat. Gjatë emisionit, Arben Meçe zbuloi se të gjitha ndërtimet në zonën e plazhit janë bërë pa leje ndërtimore. Këtu i referohet nga viti 2006 deri më 2009 – 2010. Duke qëndruar në të njëjtën linjë, inxhinieri i ndërtimit pohoi se në zonën e plazhit është ndërtuar jashtë standardeve.

Arben Meçe: Të gjitha ndërtimet në zonën e plazhit janë bërë pa leje ndërtimore. Të gjitha janë bërë nga 2006 deri më 2009 – 2010. Kjo do të thotë se për këto objekte, dosja është e kompletuar për të dënuar këta persona.

Alfred Lela: Mua kjo gjuha e misionarit, mua ma shpif. Edhe në Thumanë qenka ndërtuar kështu? Ta bëjmë diskutim. Boll më me këto si misionarë. Sikur je kryeministri.

Arben Meçe:  A ta mbaroj të lutem? Të gjithë objektet që janë ndërtuar në zonën e plazhit, kanë dosjet të hapura. Ju të gjithë e dini se nuk dënojmë ne, por dënon Prokuroria. Në atë vend është ndërtuar jashtë standardeve. Nëse në një objekt janë ndërtuar 7 kate mbi 3 kate, normal kemi probleme. Prokurorisë i duhen 10 ditë deri në 3 muaj që të verifikojë.

Alfred Lela: Ndërtesat janë si njerëzit, janë të ndryshme. Ku ta dimë se ku është problemi. Nuk janë të gjitha njësoj.

Arben Meçe: Të gjitha ata objekte janë pa projekt, kanë firmë. Pra e kanë provën e krimit brenda. Në plazh nuk është goditur asnjë provë krimi, sepse provat e krimit janë në dokumente. Është prova, këta i ke në burg, pikë. Vijmë në Thumanë, këtu ka objekt ku nuk ndërtohej, kishte njerëz. Përgjegjësit lokalë kishin papërgjegjësi. Duhej të prisheshin ndërtimet që rrezikonin, ndërsa në këto moment mund të grumbullosh prova.

 

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

Kthehu
WhatsApp Denonco ne TT