Gjykata ka caktuar masën “arrest në burg” për Alfred Debreshin, i cili akuzohet se ka vënë tritol në makinën e vëllait të tij, minatorit dhe ish-kandidatit për deputet Elton Debreshi. Dyshohet se Debreshi e ka sajuar atentatin me tritol në mjetin e tij, në bashkëpunim me të vëllanë, për të përfituar azil në Francë.
Nga përgjimet rezultoi se Alfred Debreshi, është person i implikuar drejtpërdrejt në këtë ngjarje, pasi në bisedat e tij, ai disa herë i drejtohet vëllait të tij, Eltonit, me fjalët “më fute në burg”. Po kështu gjatë bisedave ambientale të përgjuara, vëllezërit Debreshi flasin për mënyrën se si ata e kanë deklaruar ngjarjen përpara policisë, dhe janë shumë të shqetësuar pasi deklarimet e Alfredit nuk përputhen me të Eltonit.
Elton Debreshi ka kandiduar në zgjedhjet e 25 prillit si deputet i pavarur në Dibër, ndonëse nuk arriti të marrë votat për të siguruar mandatin.
