Gjatë fjalës së tij në Komisionin e Sigurisë, Ministri i Brendshëm, Sandër Lleshaj zbuloi se gjobat që janë vendosur për maskat, do të përdoren për të përmirësuar sigurinë rrugore. Po kështu, ministri tha se vendi sfidohet ende nga krimi i organizuar, dhe për këtë arsye duhet të shtohen kapacitet. Lleshaj u shpreh se kanë nevoja madhore për laboratorin e policisë së shtetit. Nevojë për drone, pasi jemi shtet me polici të vogël.
“Një pjesë të të ardhurave që sigurohen nga gjoba, do të përdoren për të përmirësuar sigurinë rrugore. Kjo përdoret në shumë vende të botës. Sot ne nga të ardhurat nuk kemi tagër të përdorimit të tyre.
Ministira e Brendshme ka nevojë për mbështetje më të madhe. Kemi nevoja madhore për laboratorin e policisë së shtetit.
Kemi nevojë për drone, jemi shtet me polici të vogël. Ndërtimi i një qendre trajnimi për strukturë të brendshme.
Vendi ynë është një vend që ende sfidohet nga krimi i organizuar dhe emigracioni. Na duhet të shtojmë kapacitetet. Projekte të mëdhaja sa i përket monitorimit të kufirit. Duhet teknologji në analizën e komunikimeve elektronike”, tha ministri Lleshaj.
